ابو ذيات الفارس انشا اللة تعجبكم

__
الدمع يم الشماته راد اكته،
زماني وسر عشكنه راد اكته،
شبيده الگلب يسمر راد اكته،
جبت غيرك شهر بدل عليه.
_________________
انه بگدشعر راسي جاي عاني،
منه وعلي يضحك جاي عاني،
اگضي العمر كله جايعاني،
اموت ولا اگله الحك عليه.
_________________
سچاچين الوكت بحشاي بردان،
حزني وصرت بالصيف بردان،
صرت مجبور اشد اردان بردان،
ولامد للشماته اثنين اديه.
_________________
يجاملني حبيبي وأنس جمله،
ودومه ينسجملي وانسجمله،
اسولف كلشي عندي وانسه جمله،
بذكره انسه الحجيناهن سويه.
_________________
روحي الماتعن فركاك عنها،
وهسه اداركت مابشر عنها،
ماتنشد ولو بالجذب عنها،
ملك الموت ضل ينشد عليه.
_________________
اتلفت خايب تعال وشوف تلفاي،
اون وصار الي شوغات تلفاي،
ولك ردتك تبيض الوجه تلفاي،
موتجفي وتبيض الراس اليه،
_________________
جرحك مابره ولادار حوله،
بدليلي ومن اجيت اشترك حوله،
الوكت يخزر عليه بعين حوله،
سلب روحي وطلع مشتبه بيه.
_________________
بجيت بحركتي بجفاك وسال،
دمه وحل معظلات العلل وسال،
العسركلش شبكني شبك وسال،
انسدح يمكن لكاله افراش بيه.
_________________
_________________

لله ابوذيات روعه يسلموووووووووووووووو صادق العراقي
تحياتي
فراس الكتلوني

يسلمو صادق علابوذيات الروعة تحياتي الك يا مبدع تقبل مروري

مشكور فروسي على مرورك الجميل
يا وردة اشكرك على ردودك الجميلة

مشكور يا صحب الموقع على مرورك حبي
يسلمو حبي اشكرك على ردودك الجميلة

عاشت الايادي على الابوذيات الحلوة

تعجبني قراءة الابوذيات جدا

يسلمووووو

تحياتي

شكرا على هذا الطرح
شكرا على هذا الموضوع الرائع
وموضوعك في قمت الروعه

يسلمووووووووووووو
ربي يعطيك العافيه وجعله في ميزان حسناتك

» اجمل ابيات شعر جميلة انشا اللة تعجبكم
» اجمل ابيات الشعر انشا الللة تعجبكم
» احلي ابيات شعر عن الحب والغزال ونشا اللة تعجبكم
» ابو ذيات تخبل
» اجمل اشعار انشاللة تعجبكم