وظل مشتاكَـ ..
محبوسة لهفتي وتكسر الخاطر
وكَـولن لازم ايبين اهلال العيد
ويكَـضي اليوم واصبر وانتظر باجر
ويجي باجر .. امس ونعاد
نفس الآه نفس الجفن المساهر
اردن للصور وتذكر الي راح
تخنكَـني عبرتي ويدمع الناظر
جنت شجرة بلابل والورود اشكال
بس غطني ربيع امسودن وكافر
موبس الوركَـ طيح خريفي اغصان
سكني البوم والبلبل غدى مهاجر
بعدني بكَـاع خصبه وعندي أمل بالغيم
يمطر لو ندى ويتغير الحاضر
******************** ***********
ادري الصوج بيه وكون أكَـصها الأيد
لأن حطتلي نقطة بأبيض أثيابي
راسمها رسم وانخبط لون بلون
وحاسبها عدل وتخربط احسابي
عني اولو كَـضت ما دكَـ عليك الباب
بس اشلون بيه من تدكَـ بابي
لو يرهم صبر البس عباة أيوب
ما يرهم عبنكم عينت احبابي
اكشف ياجرح وجروح بيه غماكَـ
غدت نار الجروح اتجوي عطابي
شسولفلك بعد بيه الهموم اثكَـال
ما مرني الرويته بعذب خنيابي
انا بعازة فعل مو بس كلام السان
إذا شغلت حجي من يغلب الساني
جنت سلت ثمر والربع بيه اتلوج
وكَـبل ما تنتخيني امسرفن ارداني
لا بد ما يفك بابه الفرج فد يوم
واتخلص حسبتي ويرضه دياني
ولا بد تنتهي وكت الحساب ايصير
واذب الأقنعه من وجوه صحابني
تحياتي للجميع