بــس هــاي قسمــتي وهـذا هـم حظـك

اريد ابعد كلت لكن ذبحني الشوك
وانة ادريك ماضن بعُدي ايسرك
غيرت الرقم والاسم والعنوان
بس اشلون اكدر كلبي ضل عدك
خايب ليش هيجي وانة احبك حيل
وانة ادري تحبني وصادك بردك

يا ريم الفلا تمرح بوسط الروح
يل كلك ترافة وقاسي بودك
تذكر من اكلك انة اموت اعليك
ترد انتة علية ما اصل كدك
جا ليش البعد يل بيك شوك الكون
واعيونك اموتن لو كثر صدك
تذكر من درو بينا نحب اشلون
بجينة الخلك بس كون ما اهدك
شنهي الي تغير يبو اعيون اوساع
خاب ارجع تعال بحضني ما اردك
حاجيهم دكلهم كلهم ايعرفون
موش الموت اجاني هذا ما هزك
موش ادموع عيني تبجي حتى الليل
كلهم خل يوصفون شكبر حبك
ما العب تراني وتدري كلش زين
بس هاية قسمتي وهذا هم حضك
خل نرجع حبايب خابر اترجاك
الف رحمة لبيك وامك وجدك
وهاي اخر رسالة وبيها كل الشوك
خل كلبك يقرر موش بس عقلك
خل انشوف لو من صح تحبني اتعود
ولو لالة صدك حاضر وانة ابامرك
هم ابقى احبك لكن انا ابهاي
ما ارجع بعد لو دمعك بخدك

يسلمووووووووووو الاصيل العراقي الموضوع راقي
تحياتي
اداره منتديات عراق اليوم

يسلموووووووووووووووووووووووووووو الا الصيل العراقي على هذة الموضوع الروعة وهوة اكثر من ذالك
تحياتي الك تقبل مروري

تسلمون حبايبي
فرووسي وصادق على ردودكم الجميله

تحياتي