(اروع ابو ذيــــــــــ الحب ـــــــــات

*أبوذيــــــــــــات*
1)أزيدك بالجمع وتصيرناقص
يفيض عليك نهري وأنت ناقص
مثلك بالبشر ماشفت ناقص
نذل بذات وطباعك ردية
****************
2)شما نوصف ياحلو الطول ما يكفي وصفنة
والمثلك ينراد أله كعدة وصفنة
كون بمدرستنة أنت وصفنة
لوتاخذ صفر أنطيك 100
****************
3)شمالك ياضعن بهواي شتيت
أنا بناري وأهمن بيك شتيت
أذا أنت بقميص الصيف شتيت
أنا مصلخ شتاك المر علية
****************
4)علي دوم الليالي تلف
والدور
ولأجلك رخصيت الذهب والدر
أحبك من زمان الدار والدور
شعجب لمن كبرنة تخون بية
****************
5)دمعتي اشمرد انشفه تسيل
وعليه ايام هجرانك تسيل
اذا انته عله حالي تسيل
الشماته والوكت طبكن عليه
****************
6) يكولون الهوة للعشاك شل حال
وغرامك حيل بالدلال شل حال
يسألوني عن المحبوب شل حال
أنه ميت بسبب فركاك أليه
****************
7)ونيني لاسنة بطل ولاعام
وسجني خاص ألي وحدي ولاعام
أخبرك لاأخو ينفع ولا عم
ألي بس الله العزيز يحن عليه
****************
8)هواكم أثر بعقلي ودارة
ومنو مثلي ألج وفة ودارة
سمعت بقيس عاف أهلة ودارة
وعليكم ماحمل مثلي أذية
****************
9)ها سل الكلب بجفاك هامات
وياما كبال سيفي أنحنت هامات
أخبرك روحي نص الليل هامت
عليك وسحل جابتني من أدية
****************
10)اداوي بجرح دلالي ولاطاب
والف دكتور داواني ولاطاب
وكلبي ما هوى غيرك ولاطاب دواي انته يهل مبعد عليه **
****************
11)أريدأكتب الك هالبيت(بالذات)
لأن طبع الوفه موجود(بالذات)
إذا رايد تصير إوياي(بذات)
مو طبعي أخون وياك بالذات
****************
12)اريد انسج شراييني وسادة
وحشم كل شهم منكم وسادة..الحزن خيم على كلبي وسادة..
بسبب فركاك زاد الالم بيه..*
****************
13)اسهامك باالكلب صابن ولاحن
وكلبك مابجه لحالي ولاحن لهلال العيد ماافرح ولاحن
**افرح من يمر طيفك عليه **
****************
14)تغيب الروح بغيابك واردها
وكتاب الشوك يمدلل وردها
روحي بفركتك يذبل وردها
ماي انته وترد الروح اليه ..
****************
15)شلون تخون وأنته حلفت بايات
مزلاكه طلعت مودرج بايات
تريد تروح موبس باي بايات
وليرجع ألف نعله على أبيه**
****************
16)عيوني من الهجر ملت وسالت
وعليه احباب مانشدت وسالت
الف دمعه الجرت مني وسالت
ولا دمعه الجرت منكم عليه
****************
17)نار أفراكم بلقلب ماجن. وعليكم زين عندي عقل ماجن.رسايلكم عجب لليوم ماجن.السبب شنو كطعتوهن دعلينه
****************
18)انته شگد وفي ومخلص وصادق
وأحبك ماأحب غيرك واصادق
نخيت الهادي والباقر وألصادق
تظل انته اعز محبوب اليه
****************
19)يظل بوري الحزن مفتوح كاكة
وابد مايوم شفت الفرح كاكة
اذا كول عليكم شفت كاكا
يشك الشبجة والضربة قوية ****************
20)احبك مو كفر حبك ولااجرام
وابشرك بالصبر ماظل ولااجرام
الكواكب حولك افترن والأجرام
لأنك شمس وبعد اجمل شوية
****************
21)الف دنياي كلهة وماتلفني
عنيد وغير شخصك ماتلفني
عمت عين المناية ماتلفني
اهز دنيا ومرة تضحك علية
****************
22)حبك نار تلهب منك أبرة
واذا من روحي ابرة منك ابرة
تعال الخيط مني ومنك ابرة
نخيط جروحنا ونلتم سويه
****************
23)عكب عينك لاتضن الدهر سرنة
تركنة ديارنة وللغرب سرنة
وحقك ماظهر للناس سرنة
لجن دمعي فضحني وعم علية)ر ا ئد ا لعطو ا ني

*****************
بسمتك اجحيرة ومرارة مل اشارة
نظرتك احلى عبارة
محبتك لامو خسارة

وغيبتك

مبدع وربي كواسر منور
تحياتي
فراس الكتلوني

يسلمووووووووووووووو عمار على هذا البيات الجميلة+الروعة
تحياتي الك تقبل مروري

» معاني الحب
» الحب الحقيقي
» ابيات شعر عن الحب
» همسات الحب
» هل الحب قرار ام قدر