محادثة شعرية بين الحبيب وحبيبتة

ابوذيه........ودارمي........بين العاشق وعشيقته

العاشق:علي ثوب الونين اشكثر....حالي
شباب وهل شبت مـــــــن دون ....حالي
انشدج على احوالج مثــــــــــل....حالي
طايــــــــح والهمــوم انشــــيل بيــــــــه

العاشقه:هموم هواك ماخـــلن..علي حال
فريضه وحبــــــــــك من الله..علي حال
يالتنشد على حالــــــــــــــي..علي حال
شيفيد النشد عالصار بيـــــــــــــــــــه

العاشق:الج بس انتي كلبــــــي ..ورجيته..
ودمـــع العـــــــين يمــــــــج.. ورجيته ..
ابتعد كلمـــــــن نخيتــــــــــه..والرجيته..
ولاواحد اجاني وحــــن عليـــــــــــــه

العاشقه:رعيتك ليش كلبك ..مارعاني..
ويهـــــــــمك فد دلــيلي .. وما رعاني..
مــــــــره احبس ابدمعي ..ومره اعاني..
ومره اتطيح روحـــــــــي بين اديــــــه

العاشقه مره اخرى :هجرك ياولف صاير ..بلا حد
مثل سيف اليكص ركبـــــــــــه .. بلا حد
رحت وانتظر ترجـــــــــــــتتع ..با لاحد
اجه الاحد ويمتـــــــــــــه اتعود اليه

العاشق:احد سجين صبري ....ولاحد
التفــــــــت وماشفت ربعي ...ولاحد
شجم سبت اليمــــر بيــــه ...والاحد
اجي بس شوفتك تصـــــعب علــيه

العاشقه:لتهم بالعمر خلصان ..وحده
وانا ضعني سرى بالهوى ... وحده
حلت جنها بعيونك غــــير ... وحده
وكمـــــــــت لاتسأل ولا تمر بيه

العاشق:غيرج ماحلى ابعيني ..ولا طاب
ولادونج دخـل كلـــــــبي ... ولا طاب
يجرحي وياج ماهود .... ولاطاب
دم ينزف ولاتــــــــــدرين بيــــــــــــه
العاشقه: محبتك تجري وي روحي ..ويدماي
وعلـــــيك انشلت اعظامـــــــــــــي..ويدماي
انجويت أبأيــــــــــد أنا نـــــــاري.. ويدماي
ولكن ما يطابكهن ســـــــــــــويه

العاشق:عليج الروح راحت ..من يردهه
وكيحه اهمومي صارت ..من يردهه
خطيه الروح ملــــــــــت.. من يردهه
لأن بس الصبر لــــــــبس العليـــــــــه

العاشق ايضآ:انه اللي عيني اعليج واصل عماها
اتحدى كل الناس تبحي ابجاهــــا

العاشقه: وانه الدموع اعليك ابجيها اشكال
وتدري كل انت فص العين من وشلت وسال

العاشق:صاحوا علي الناس واسمع ولاجن
كالوا خذاه الشوك هذا الولد جن

العاشقه: لوتدري انه اشلون مبتليه بيهم
عمده من امر يحجون باسمك حجيهم

اتمنى ان يعجبكم هذا الموضوع


اخوكم ابن العراق

يسلمووووووو حميد العراقي على المرور الجميل
تحياتي
ابن العراق

يسلموووووو غربه مشاعر على المرور الرائع
تحياتي
ابن العراق

يسلمووووووووو فراس الكتلوني على المرور الجميل
تحياتي
ابن العراق

يسلموووووووووووو امجد العراقي على المرور الجميل
تحياتي
ابن العراق