قصيدة رائعه للشاعر جبار رشيد

تجي من بعيد تمشي عيونك انت وياي ليش من تدنه تنزل اعيونك وانه بكلبي اكلك ياهله بملكاك واسمعك من تكلي بكلبك شلونك مأمن بل الخجل ماتحجي من تفوت

يمتهة الله الخجل يم بابنه يخونك وجي مرتين بابي يشوفك بكل يوم كمت احسد الباب وكتلة حي عونك سامع بيك كالو تضوي جنك نار وكلو للشمس منطين من لونك

ماصدكت شفتك صدكت من كال ماتسوة الشمس فلسين من دونك

يلمرهدن ابمشيك يالذيذ الراي

يم حير عقل كل اليشوفونك خطوتك فرح والدنيه موسم موت وأنت بئزمه جاي ومايهدونك

طعم بي شوف وجهك لاتمر علناس جوعانه أعيون وخاف يكضونك

يلنك مو مثل كلمن مشه علكاع ولاوصفك سهل لمن يوصفونك

ون ضحكت أعيونك شفنه وجه العيد

جا شنشوف لمن تضحك اسنونك

وما يحتاج تخفي وانته واضح ذاك

من جلادك عرفته شيعني مضمونك

هاوي ومستحي ومحتار يبن الناس

واهلك مومثل متريد يردونك

غالي ومانريد اندك عليك الباب

عند اهلك كنز موسهله ينطونك

يل عاشك فقرنه شعاجبك بل عوز

ماعدهم أهلنه وبيش يشرونك

ماكلهم أحبك خاف أجيب العين

عليك وموعلي خايف يحسدونك

تحياتي اخوكم بغدادي

يسلموووووووووووووو البغدادي بس لو مطكبر الخط شويه يكون افضل
تحياتي
فراس الكتلوني

مشكوررررر فروسي على المرور الجميل مع خالص تحياتي

البغدادي

» قصيدةسولف للرائع جبار رشيد
» باجر انساك للرائع جبار رشيد
» متناسبني جبار رشيد ارجو التثبيت
» قصيدة للشاعر احمد الذهبي
» قصيدة تموت للشاعر عبد الحسين الحلفي