قصيدة تموت للشاعر عبد الحسين الحلفي

((((هلي درو بيه)))
**الشاعر المبدع عبد الحسين الحلفي**

هلي درو بيه كمت انه احبك

ودر بس انته تلفتلي انتباهي

هلي يدرون من تزاعل وياي

اضل اصرخ رحمتك يا ألهي

هلي نشدوني عنك وكلت بالروح

ونشدوني على روحي وكات ماهي

ووانته هواي متغير هليام

ولبراسك حجو انه اعرفتهم

نفسهم همه أجو وتقربولي

دكو باب كلبي وطردتهم

ليش لأن انته تقديرك فوك عالراس


أحطهم وين انه لوقدرتهم

انته ماتجي بس انه اشوفك
وهمه شكد اجو بس ماشفتهم
لجل حالك بهذلت حالي وحالي يكول يله المهم حالك

دلالك زاد زيدلي اذيتي
واذيتي جماله هم تحب دلالك

يشابع نوم والله قرايه قاريك

مدري شمالني ومدري شمالك

كالوك كبل عندي علاقات

غيرك عاشك انه هواي اسامي

عشكت غيرك نعم بس تدري شلون

عشكتهم مو صدك وانه بحلامي

وانه عندي قصد حبيت غيرك

حتى أمتلك خبر في غرامي

صار اسنين أقره لهواك

وصار اسنين أحضر في كلامي

انه الحبيتهم جانو بروفات

حتى انته تضل مسك الختامي

عليك اطوطحت صاحي مو سكران


وانه اول محب سكران صاحي

دوام اهل المدارس وكت واحد

ودوامك بالكلب عصري وصباحي

اخوكم بغدادي




[center]

يسلمو فراس على المرور الجميل منك


البغدادي