قصيده للشاعر الشاب رائد ابو فتيان

للشاعر الشاب (( رائد أبو فتيان))

شاعر مو جبير من الفقر عريان
ولأن كد الشعر صار الشعركدي
شاعر من أحن واكتب حنين الهور
بلاطين بورقتي إيخضر البردي
أنه العلتي جبيره ومو كبر معقول
اذا للكندي افوت اتقبط الكندي
وهارب يا وطن مو منك امن الموت
ومتت وانه بلساني تهون . وتعدي
لاكن لو صحت غيرتي تطكَ الراس
وكل شعره اعله راسي أتصيرلك جندي
*************
وأذا تزرع بشر لتشوفه مشتول
وأحصد بالأدب مو بالمناجل
درس خلاني عايش عمري مكتول
وأضهر للحقيقه بثوب كاتل
كَبل جتفي وطن ومحمل اجبال
هسه الشايل أثكل وامشي مايل
طلع اكبر من الشضايات
تمثال الرصافي بصدري خاتل
وكت صاير نجف وعراق تابوت
وجثه بنصه ممتده الأرامل
جاعت هالأرض وحلوكَهه كَبور
رخص لحم العراقي وبينه تاكل
أنهض ياوطن مو صرنه فرهود
نزرع بالجنان ونار ناكل
بالوفر تطب ماتلكه الآثار
بالجامات خلو حته بابل
بدولاب الهوه وحدك فروك
الفارغ فوكَ يصعد وانته نازل
بعد عندك زلم تتنفس الموت
وتشكَ وجه الشمس لمن تقاتل
غيرتنه اتبنت ويه الحياطين
ومن نوكَع تهد النه المنازل
شكَول وغيرتك طافت بالطيوف
بما لا يعقل احجي وانه عاقل
انه بعيني شفت من طارت الكَاع
تشيل احجار وتطير البلابل
انه الشايل طموح إيجيب النجوم
كتبو فوكَ كَصتي أنسان فاشل
عراقي و مو عراقي شلون ماجان
مو لبطون تطلكَني الزلازل
اخوي آنه الشهيد الضحه للكَاع
وأمي الاكَته بدمع وهلاهل
وابوي الشال بعيونه الدواوين
لذلك لو بجه توكَع مراجل
شوكت يرجع الأمان ونوعدك بيه
من المهدي يضهر للمقاتل

***
تحياتي للجميع اخوكم البغدادي
***

يسلمووووووووووووو البغدادي على الموضوع الجميل
تحياتي
فراس الكتلوني

مشكككورررررررررررررررررررررررر على المرور الكريم يامبدع

البغدادي

» قصيده واحد تزوجت حبيبته
» قصيدة للشاعر احمد الذهبي
» قصيدة رائعه للشاعر جبار رشيد
» قصيدة تموت للشاعر عبد الحسين الحلفي
» قصيده جميله