**للشاعر محمد الكعبي ****القيصيده منقوله بخطي من برنامج شهد والشعر*******
ماشايف متل طولج بعد ماشوف
وأقنع عيني بيش وتقنع وترى
وانتي خيالج يغازلج من تمشين
وبعضه يلوم بعضه وياكل بعضه
كبلج ماجنت شاعر غزل معروف
ولاموالمادرو بيه الغرام امضه
وشعري البي رفض ويرددونه الناس
من خزراة اعيونج يستمد رفضه
يل كلج برائه وكلشي ينضف بيج
وتشوفج عيون الناس المغمضه
الشارع بيه صداع يصير بيه من تمشي
وطوله يكوم يفتر يردم بعرضه
وابو الطيب يغض النضر جان يكول
بس لوشاف طولج فنه لوغضه
المستشفى اذا من بابها تمرين
عراضه الشوفتج تضاهر المرضه
خط احمر جمالج رسم فوك الكاع
وحظر تجوال طولج وحده يفرضه
الفتنه الطائفيه عيونج الحلوات
عليها احنا اختلفنا وبعد مانرضى
لأمن مايستقر متفرضه شرطه وجيش
بس بسلاح عينج نكدر نفرضه
والفوضى البل بلد مومن سياسين
الفوضه البل بلد من شعرج الفوضه
وغلاط احمد مطر ميخلده التاريخ
لأن عن لون خدج ماكتب ومضه
كاغد ماي خدج والهوى يهز بيه
ومن كد رقته بالهوى مايرضه
حضه بيج الندى بخدج طبع نيسان
جا شتسوي شفافي من تحضى
عصر النهضه داخوبيه ماشافوج
ونتي الشايله بطولج الف نهضه
يل بعينج سحرالله طش الشوك
وانجومه على خدج صاغهن فضه
الحض من يشوفج صدغه بين الناس
يلزم حضه بيده يطيح بحضه
من اشوفج كلي ايرن عين
وافض كلشي من ادي وخلكي مافضه
مثل الضل وراج اعيوني مصلوبات
ودرب الجامعه خليت بي رضه
وزير البحث اي لازم يخلي شروط
لنظام الجامعه وعل المجلس يعرضه
ويصدر قرار وكلها تعمل بيه
وتنصاع العماده وتعمل بوعضه
طولج من يمر يم الاستعلامات
عيد الجامعه يوكف صنم لحضه
وباب الجامعه من يمه من تمشين
رأيس القسم لازم يركض يكضه
موللجل العلم بالجامعه الطلاب
على مودج ترى الطلاب مكتضه
كراج الجامعه صنطه ويبج العين
بي لمن تجينه تصير بي ركضه
والمحاضر بالدرس مايفهم الموضوع
لأن ملتهي بثغرج رايد يحفضه
بالروضه حبر طش راح تتعينين
وعلى مودج زلم سجلت بالروضه
******البغدادي******
2009-07-24, 3:57 am
