ابو ذيات رحيم المالكي مع نائل المظفر

أكوم أجلالا لحسنك وقف لك
وأسجل كليبي يا خلي وقف لك
وأحطك بي وأقفلنك وأقفلك
وأطب بصدري وقفلكم عليه
نائل المظفر ________________________________

وياك بلشت بلشه يا بلاشي
وحسافه طلعت عندك يابه لا شي
بثمن يوسف بعتني يابلاشي
قميص أربع جهات أنقد عليه
رحيم المالكي ________________________________

تدري شكد ألك كلبي ولع ضام
صغار جروحي يهونك والعضام
أموت وأندفن وأعتك والعضام
زحفنلك زحف لو صحت اليه
نائل المظفر ________________________________

مدري العيب عندك مدري عندي
مدري غلط عدك مدري عدي
مدري اوكف وأطالب مدري أعدي
وأكولن ينصلح ويرد اليه
رحيم المالكي ________________________________

السعاده منين أجيبنهه والافراح
وعلى الخوان راح أصفن وألف راح
عدموا وألف سجنوا وألف راح
وأتاني وما رجع واحد عليه
نائل المظفر ________________________________

وفيت ويه الربع محد وفالي
وياهم خاب كل ضني وفالي
خشف فول الربع وأدج وفالي
حديد وحرش كسرتهه من اديه
رحيم المالكي________________________________

بس أحنه المصايب صاحبه النه
لان كل ساعه نفكد صاحب ألنه
أبنه المات محد صاح ابنه
أخاف نصيح ويعدمون أخيه
نائل المظفر********أخوكم البغدادي*** ________________________________

يسلموووووووووووووو حبي البغدادي موضوع في غايه لاناقه
تحياتي
فراس الكتلوني

» ابو ذيات تخبل
» ابو ذيات تحشيش خرافيه
» ابو ذيات تحشيش تخبل
» ابو ذيات الفارس انشا اللة تعجبكم